समचार

एनसेल डेटा बण्डलिङ्गसहित हुवावे पि–टेन प्लस बजारमा

काठमाडौं, असार १० – मोबाइल सेवा प्रदायक कम्पनी एनसेसँगको सहकार्यमा हुवावे टेक्नोलोजिजले एनसेलको डेटा सेवा बण्डलिङ्ग र विषेश रुपमा डिजाइन गरिएको पि–टेन प्लस क्यामरा लेन्स किट उपहारसहित आफ्नो नयाँ पि–टेन प्लस स्मार्टफोन शुक्रबार नेपाली बजारमा सार्वजनिक गरेको छ ।

विश्व प्रसिद्ध क्यामरा उत्पादक लेइकासँगको सहकार्यमा उत्पादन गरिएको पि–टेन प्लस स्टाइलिस र आधुनिक स्मार्टफोन रहेको र यसले व्यावसायिक स्टुडियोको जस्तो क्यामरा इफेक्टस् दिंदै फोटोलाई अझै राम्रो बनाउने जनाइएको छ । नवीन प्रविधिको नमुनाको रुपमा यसमा हुवावे सुपरचार्ज जस्ता विषेशता रहेका रहेको र यसले पि टेन प्लसलाई एडभान्स फोटोग्राफी स्मार्टफोन बनाएको दाबी पनि गरिएको छ । एनसेल र हुवावेबिचको डिभाइस र डेटा सेवा बण्डलिङ्ग साझेदारी अन्तर्गत पि–टेन प्लस स्मार्टफोन खरिद गर्ने ग्राहकले हरेक महिना एनसेलको एक जिबी डेटा १० महिनासम्म निःशुल्क पाउनेछन् ।

यो सहकार्यले ग्राहकलाई विषेश लाभ सुनिश्चित गर्दै उनीहरुलाई उत्कृष्ट डेटा सेवाको अनुभव प्रदान गर्ने विश्वास रहेको एनसेल र हुवावेले जनाएका छन् । बण्डलिङ्ग अन्तर्गतको डेटाकोसेवाको मजा लिन हुवावे पि–टेन प्लस ग्राहकले मोबाइलमा एनसेलको सिम राखी अंग्रेजीमा एनसेल टाइप गरी १७१०० मा एसएमएस पठाउनु पर्नेछ । त्यस पश्चात अफर अन्तर्गतको डेटा पाउने र फोरजी लगायतको द्रुत गतिको इन्टरनेट सेवाको मजा लिदै आफ्ना कार्यहरु उच्च गतिमा गर्न सक्ने एनसेलले जनाएको छ । 

Top