समचार

नेपाल र लेबनान भिड्दै

साउन ४,  – एएफसी यू२३ च्याम्पियनसिप अन्तर्गत समूह चरणको २ खेलको समाप्तिसम्ममा नेपालले कुनै अंक जोडेको छैन। बुधबार हुने अन्तिम खेलमा नेपालले लेबनानको सामना गर्दैछ।

 

नेपालजस्तै आफ्नो पहिलो २ खेलमा पराजित भएको लेबनानले नेपालको तुलनामा कम गोल खाएको छ। दुवै टोली जित हात परेर प्रतियोगिताबाट सुखद बिदाई लिने दाउमा छन्। नेपालले पहिलो खेलमा युएईसँग ५(०को फराकिलो अन्तरको हार व्येहोरेको थियो भने दोश्रो खेलमा सुधारिएको प्रदर्शन गर्दै उज्वेकिस्तानसँग २(०ले पराजित भयो। यता पहिलो खेलमा उज्वेकिस्तानसँग ३(१ले पराजित लेबनानले दोश्रो खेलमा युएईसँग १(०ले हार्यो। युएईसँगको खेलमा लेबनानले अन्तिम समयमा पेनाल्टीमार्फत गोल खाएको थियो।

 

लेबनान तुलनात्मक रुपमा नेपालभन्दा शारीरिक रुपले बलियो देखिन्छ। उसको विगतका खेलहरुमा प्रदर्शन पनि राम्रो हुँदै आएको छ। यता नेपालले भने दुवै खेलमा आशातीत प्रदर्शन गर्न सकेको छैन। प्रतियोगिताको अन्तिम चरणमा छनोट हुने सम्भावना समाप्त भइसकेकोले दुवै टोलीमा कुनै प्रकारको दबाब छैन।

 

समूहको शीर्षस्थानको टोलीको टुङ्गो लगाउन आज हुने पहिलो खेलमा घरेलु टोली युएई र उज्वेकिस्तान खेल्दैछन्। खेल बराबरी भएको अवस्थामा युएई समूह विजेता बन्नेछ। नेपाल र लेबनानको खेल नेपाली समयानुसार रातको ११ बजे सुरु हुनेछ।

 
Top