ताजा अपडेट

समचार

गुल्मीमा साबिकको गाबिसको वार्षिक आम्दानी १२ हजार मात्र

Hem Bishwakarma

 

          गुल्मीमा आर्थिक बर्ष २०७३÷७४ मा सबैभन्दा कम आम्दानी गाबिस ह्वाङदी गाबिस रहेको छ । गाबिसले एक आर्थिक वर्षमा मा जम्मा १२ हजार एक सय पच्चीस रुपैया आन्तरिक आम्दामी गरेको छ । बढी आन्तरिक आय गर्ने रुरु गाउँपालिकाको रुरु रहेको पाईएको छ ।

    साबिकको रुरु गाबिसले आर्थिक बर्ष २०७३ ÷७४ मा १६ लाख २९ हजार ५ सय ५५ रुपैया आन्तरिक आम्दामी गरेको जिल्ला समन्वय समिति गुल्मीकी स्थानीय बिकास अधिकारी कल्पना श्रेष्ठले जानकारी दिइन् । साबिकका गाउँबिकास समितिहरुको आन्तरिक आयका स्रोतहरु भनेको पंञ्जीकरण, सिफारिस  तिरो लगायत रहेको पाईन्छ ।

   साबिकको रुरु  गाबिसले भने आन्तरिक आयमा बृद्धि गर्नुमा धेरै आय स्रोतहरु रहेका छन् । जसमा रुरु गाबिस संग ढुङगा गिटी बालुवा लगायत रहेको रुरु गाउँपालिकका वडा सचिव राम प्रसाद ज्ञवालीले बताए । जिल्लाका उत्कृष्ट आन्तरिक आम्दामी गर्नेमा रुरु पश्चात दिगाम गाबिस रहेको जसले आर्थिक बर्ष २०७३÷७४ मा  २ लाख २३ हजार आन्तरिक आय गरेको छ ।

     अघिल्लो आर्थिक बर्षमा ८ हजार मात्र आन्तरिक आम्दामी गरेको सत्यावती गाउँपालिकको लिम्घाले यस आर्थिक बर्षमा १ लाख २४ हजार ५सय  ५३ रुपैया आन्तरिक आम्दामी गरेको छ । जिल्ला समन्वय समिती गुल्मीले राखेको साबिकका गाबिसहरुको समिक्षा कार्यक्रमवाट यस्तो तथ्य बाहिर आएको थियो । गुल्मी जिल्लाका साबिकका  गाबिसहरुले आर्थिक बर्ष २०७३÷७४ मा पराल्मी गाबिस र पुर्कोटदह गाबिसले बाहेक अन्यको शतप्रतिशत बिनियोजीत रकम खर्च गरेका छन् ।

     पुर्कोटदह गाबिसले ३८ लाख ३८ हजार बिनियोजीत रकम मध्ये ३० लाख ९६ हजार खर्च गरेको र पराल्मी गाबिसले भने बिनियोजीत रकम मध्ये ५० हजार मात्र खर्च गर्न नसकको जिल्ला समन्वय समिती गुल्मीले जनाएको छ । साबिकका गाबिसहरुले खर्च गर्न नसकेको रकमलाई सम्बन्धित गाउँपालिका र नगरपालिकामै फिर्ता पठाईएको स्थानीय बिकास अधिकारी श्रेष्ठको भनाइ रहेको छ ।  

  • ON-AIR

    Time:: am

  • UP-NEXT

    नेपाल खबर

    Time:6:00 pm

Top