समचार

५५ औं रेडक्रस दिवसको अवसरमा जनज्योती मा.वि. मुसीकोट नगरपालीका १ अरेवामा बक्तृत्वकला प्रतियोगीता सम्पन्न,

कक्षा ९ र १० का ४३ जना विद्यार्थीलाई एक एक ओटा सोलार वत्ति पनि वितरण

कृष्ण पोखरेल

रेडीयो सारथी, बाग्लुङ

साउन १९

५५ औं रेडक्रस दिवसको अवसरमा जनज्योती माध्यमिक विद्यालय मुसिकोट नगरपालीका १ अरेवा गुल्मीमा बक्तृत्वकला प्रतियोगीता सम्पन्न भएको छ । विद्यालयमा गठित नेपाल जुनियर रेडक्रस सर्कलको आयोगजनामा मानवीय सेवामा रेडक्रसको भुमिका विषयक वक्तृत्वकला प्रतियोगीता सम्पन्न भएको हो । शिक्षक अभिभावक सँघका अध्यक्ष थम्मन बहादुर खत्री, वरिष्ठ चन्दादाता हवल्दार डालेश्वर भुसालको विशेष उपस्थिती रहेको कार्यक्रममा विद्यालयका प्रधानाध्यापक तथा सर्कलका सँरक्षक ईश्वरी प्रसाद आचार्यको शुभकामना मन्तव्य दिनुभएको थियो । कार्यक्रम जुरेस अध्यक्ष अस्तिमा गिरीको अध्यक्षता, विद्यालय व्यवस्थापन समितिका अध्यक्ष भुपेन्द्र रायमाझीको प्रम्रख आतिथ्यता तथा शिक्षक नायक महलाल पौडेलको सञ्चालनमा सम्पन्न भएको थियो । 

यसैविच सोहि कार्यक्रममा कक्षा ९ र कक्षा १० मा अध्ययनरत सवै ४३ जना विद्यार्थीलाई प्रति विद्यार्थी एक एक ओटा सोलार बत्ति पनि वितरण गरिएको छ । बैकल्पीक उर्जा पर्वद्धन केन्द्र खुमलटार काठमाडौंको सहयोगमा उक्त बत्ति वितरण गरिएको हो । वितरण पछि विद्यार्थीहरुले समय समयमा विविध कारणले गर्दा घरमा भएको विद्युत बन्द हुँदा उक्त वत्तिले अध्ययनमा ठुलो सहयोग पुग्ने भन्दै सहयोगी सँस्थालाई धन्यवाद दिँदै शुसि व्यक्त गरेका थिए । 

 
Top