ताजा अपडेट

समचार

गुल्मीको मुसिकोट १ थामडाँडामा देखिएको मौसमि ज्वरो नियन्त्रणमा, स्वास्थ्य कर्मि फर्किए ।

Kamal Paudel

कमल पौडेल
२३ भाद्र २०७४/खर्वाङ बागलुङ
गुल्मीको मुसिकोट नगरपालिका वडा नं. १ थामाडाँडामा देखिएको मौसमी ज्वरो पूर्णरुपमा नियन्त्रणमा आएको छ। केहि दिन पहिले देखि धेरैजनामा ज्वरो देखिएपछि स्वास्थ्यकर्मिको टोली नै पुगेर उपचार गरेको थियो। टोलीले २ सय ४१ जना विरामीको उपचार गरेको र ज्वरो नियन्त्रणमा आएपछि फर्किएको टोली प्रमुख पौदि अमराई स्वास्थ्य चौकीका अहेव पदम अधिकारीले जानकारी दिनुभएको छ। अधिकारीका अनुसार स्वास्थ्य टोलीले मौसमि ज्वरो वाहेक धेरै दिर्घ रोगीहरुको समेत उपचार गरेको वताउनु भएको छ। मुसिकोट नगरपालिकाका स्वास्थ्य प्रमुख ढाल वहादुर जिसिले सो स्थानमा भाइरल ज्वरो देखिना साथ जिल्ला स्वास्थ्य कार्यालयवाट औषधि पठाइएको र अहिले नियन्त्रणमा आएको वताउनु भएको छ। त्यस्तै मुसिकोट नगरपालिका वडा नं. १ का वडा अध्यक्ष पूर्ण हितानले समाचारमा वाहिर आयजस्तो प्रकोप नभएको र ज्वरो नियन्त्रणमा आइसकेको वताउनु भएको छ। स्वास्थ्यकर्मिहरुले ज्वरोका कारणले नै विद्यालय वन्द गर्नुपर्ने अवस्था नरहेपनि विरामी विद्यार्थीहरुलाई विद्यालयमा नआउन सुझाव दिएको वताएका छन्। उता वन्द रहेको सरस्वती माध्यमिक विद्यालयका प्रधानाध्यापक रोमाकान्त खरेलले भाइरल ज्वरो र रुघा खोकीका विद्यार्थी वढ्दै गएको र विद्यालयमा ५० प्रतिशत विद्यार्थीपनि विद्यालय आउन नसकेपछि २ दिनको लागी विद्यालय वन्द गर्नुपरेको वताउनु भएको छ। खरेलका अनुसार २२ र २३ गते विद्यालय वन्द गरिएको २४ गते शनिवार परेको तथा २५ गते विद्यालय खोल्दा धेरै विरामी विद्यार्थी निको भएर आउने अनुमान गरिएको वताउनु भएको छ। गाउँमा देखिएका विरामीहरु विस्तारै आराम हुँदै गएको पनि खरेलले वताउनु भएको छ। 
Top