ताजा अपडेट

समचार

त्रिभुवन मा.वि. खर्वाङ बाग्लुङको ५८ अाैं वार्षिकोत्सव तैयारी सुरु

भोलीदेखी ३ दिनका लागि प्राविधिकतर्फका कक्षा ९ का विद्यार्थि शैक्षिक भ्रमणमा जाने

कृष्ण पोखरेल

 

त्रिभुवन मा.वि. बडिगाड २ खर्वाङ बाग्लुङले आफ्नो विद्यालयको वार्षिकोत्सवको तैयारी थालेको छ  । यहि पौष ८, ९ र १० गतेदेखि मनाउने ५८ औं वार्षिकोत्सवको तैयारी स्वरुप आज स्टाफ मिटिङ सम्पन्न भएको छ । विद्यालयका प्रधानाध्यापक ढालमणी भण्डारीको अध्यक्षतामा बसेको बैठकले वार्षिकोत्सवलाई भव्य रुपमा सम्पन्न गर्नका लागि विभिन्न समिति तथा उपसमितिको निर्माण गरी जिम्मेवारी बाँडफाँड गरेको छ । 
विद्यालय भित्रका तहस्तरीय अन्तर सदनात्मक तथा अन्तर विद्यालय स्तरीय विविध प्रतियोगीताहरु सञ्चालन गरी विद्यालयले वार्षिकोत्सव मनाउने प्रधानाध्यपक भण्डारीले जानकारी दिनुभएको छ ।
यसैविचि विद्यालयबाट भोली ३ गतेदेखी ३ दिन ३ ४ र ५ गतेसम्मका लागि प्राविधिक धारतर्फको कृषि बाली विज्ञानतर्फ कक्षा ९ का विद्यार्थीहरु शैक्षिक भ्रमण जाने भएका छन । भ्रमणमा विद्यार्थी सहित विद्यालयका ३ जना शिक्षक पनि सहभागी हुने विद्यालयले जनाएको छ । लुम्लेका कृर्षि फार्म सहित पोखरा आसपासका क्षेत्रमा हरेका पर्यटकीय क्षेत्रको समेत अवलोकन गरीने भ्रमणटोलीकी शिक्षीका कक्षा शिक्षक जमुना गिरीले जानकारी दिनुयभो ।   
 
Top