ताजा अपडेट

समचार

निर्देशकहरु नै फिल्म खेल्न थालेपछि !

२४ माघ=  पछिल्लो समयमा निर्देशकहरुले सिनेमामा मुख्य अभिनेता भएर काम गर्ने लहर चलेको छ । राम्रो निर्देशन गरेर दर्शकको मन जितेका निर्देशकहरुले निर्माताको पनि मन जितेर सिनेमामा मुख्य भूमिका निभाउने अवसर पाउन थालेका छन् । केही निर्देशकहरुलाई निर्माताहरुले सिनेमामा मुख्य भूमिका निभाउनु पर्यो नभए बिशेष भूमिकामै भएपनि देखिनु पर्यो ! भन्ने प्रस्ताव गरेका खबरहरु आईरहेका छन् । निर्माताको प्रस्तावलाई स्वीकार्दै केही निर्देशकहरुले सिनेमामा बिशेष भूमिका निभाईसकेका पनि छन् भने केही निभाउने क्रममा छन् । त्यसो त अभिनयमा सफल भईसकेका केही कलाकारहरुलाई पनि निर्देशनको मोहले नतानेको होईन । केही सफल कलाकारहरुले सिनेमा निर्देशन गरेका उदाहरण पनि हाम्रै अगाडि छन् । आज हामीले निर्देशक पनि कलाकार पनि भएर काम गरेका केही सेलिब्रेटीहरुको बारेमा एक साम्रागी प्रस्तुत गरेका छौँ ।

दीपा श्री निरौला
हाँस्यकलाकार दीपा श्री निरौलाले निर्देशकको रुपमा आफ्नो नाम दर्ता गराई सकेकी छिन् । अब उनी कलाकार भन्दा पनि निर्देशक भनेर चिनिन्छिन् । केही समय अघि मात्रै सेलिब्रेटी रन वेमा हिँडेपछि उनलाई सिनेमामा मुख्य अभिनेत्रीको भूमिका निभाउनु पर्यो भन्ने प्रस्तावहरु आए । तर दीपाले मुख्य अभिनेत्रीको रुपमा काम गर्न भने अनकन गरेको बुझियो । उनले मुख्य अभिनेत्रीको रुपमा काम गर्ने, नगर्ने फाईनल नभए पनि केही सिनेमामा बिशेष भूमिका निभाउने भने पक्का भईसकेको छ । उनको बिशेष भूमिका बारे निर्माताहरुले आधिकारिक जानकारी नदिएपनि दुईवटा सिनेमामा उनले बिशेष भूमिका निभाउने भएको जानकारी छ । हाल दीपा यी दुई सिनेमामा बिशेष भूमिकाको तयारी गर्दैछिन् ।

निश्चल बस्नेत
लुट सिनेमा निर्देशन गरेर निर्देशनको दुनियाँमा एकाएक स्थापित भएका निर्देशक हुन् निश्चल बस्नेत । निश्चलले लुट पछि सिनेमा निर्देशनको यात्रालाई पछाडि फर्केर हेर्नु परेन । निर्देशनकै कारण चर्चामा रहेका निश्चलमा गीत गाउने, नाच्ने अनि अभिनय गर्ने क्षमता पनि छ जसलाई उनले प्रमाणित पनि गरिदिएका छन् । उनको लोकप्रियतालाई देखेर निर्माता तथा निर्देशकहरु अहिले उनलाई नै मुख्य अभिनेताको रुपमा लिन अघि सरेको पाईन्छ । दुईवटा सिनेमामा त उनी हुने पक्का नै भईसकेको छ । त्यस्तै अन्य केही सिनेमामा पनि निश्चल अभिनेताको भूमिकामा देखिन सक्ने सम्भावना छ । सिनेमा ‘दुई रुपैयाँ’मा उनी अभिनेताको रुपमा अनुबन्धित भईसकेका छन् भने निरान्जनामा पनि उनी हुने लगभग पक्का भएको छ । निश्चलले यो भन्दा पहिले पनि केही सिनेमामा सानोतिनो भूमिका निभाईसकेका छन् । तर उनले कबड्डीमा गरेको अभिनयले भने धेरैको तारिफ बटुले । निश्चलले कबड्डी कबड्डीको हिट गीत, पर्वको काले दाई, लुट को उध्रेको चोली लगायतका गीत पनि गाईसकेका छन् ।

Image result for sudarshan thapa

सुदर्शन थापा
सुदर्शन थापाले रेखा थापाको सिनेमा ‘रुद्र प्रिया’मा मुख्य भूमिका निभाउने भएका छन् । हुन त सुदर्शनले सिनेमामा अभिनय गरेको यो पहिलो पटक भने होईन उनले यो भन्दा पहिले पनि ‘चङखे सङखे पङखे’मा अभिनय गरेका थिए । त्यस्तै उनले सिनेमा मेरो एउटा साथी छ, प्रेमगीत जस्ता सुपरहिट सिनेमाहरु निर्देशन गरिसकेका छन् । उनले सिनेमामा अभिनय नै गरे पनि मानिसहरु उनलाई निर्देशककै रुपमा चिन्छन् । हाल उनी म यस्तो गीत गाउँछुको तयारीमा लागेका छन् । प्रेमगीत पछि सुदर्शनले पनि निकै लोकप्रियता बटुले । यहि कारण पनि उनी अब सिनेमामा मुख्य अभिनेताको भूमिकामा देखिँदैछन् । रेखा थापाले निर्माण गर्न लागेको सिनेमा ‘रुद्र प्रिया’मा सुदर्शनको मुख्य भूमिका रहनेछ ।

20130802120543_7f5eb49f3d7bddc878097f96c255bcd8@filmykhabar.com

अर्पण थापा
अर्पण थापालाई पनि सिनेमाको मुख्य अभिनेता रेखाले नै बनाउन लागेकी हुन् । अर्पण पनि नेपाली सिनेमा क्षेत्रमा सफल सिनेमाहरु दिने निर्देशकमा पर्छन् । उनले मुखौटा, धन्दा लगायतका सिनेमाहरु निर्देशन गरिसकेका छन् । अर्पण थापा अब रेखा थापाको सिनेमा रुद्र प्रियामा मख्य अभिनेताको रुपमा देखिन लागेका हुन् । यसअघि उनले धन्दा, बाटोमुनीको फूल २, वीर विक्रम लगायतका सिनेमामा अभिनय गरिसकेका छन् । निर्देशन र अभिनय गरेका सिनेमाहरु लगभग उत्तिनै भएपनि उनलाई निर्देशककै रुपमा चिनिन्छ ।

Shovit-Basnet-director-3

सोभित बस्नेत
फिल्म क्षेत्रका मानिसहरुको गाली नै मेरो लागि ताली हुन्छ भन्ने निर्देशक हुन् सोभित बस्नेत । ६० को दशकमा सोभित बस्नेतले दर्जनौँ सिनेमाहरु निर्देशन गरे र उनका सिनमाले सफलता पनि पाए । सोभितले निर्देशनसँगै अभिनयमा पनि काम गरेका छन् । उनी केही सिनेमाहरुमा कमिक रोलमा देखिएका छन् । उनले निर्देशन गरेका सिनेमाहरुमा कन्यादन, चीनो, अग्नीपथ, कर्णवीर, जंजीर, दुर्गा, वारुद लगायतका चर्चामा रहे ।

Actress-Rekha-Thapa-Photo-1

रेखा थापा
रेखा थापा भने निर्देशकबाट कलाकार नभएर कलाकारबाट निर्देशक भएकी सेलिब्रेटीमा पर्छिन् । अभिनेत्रीको रुपमा काम गर्दा निर्देशनलाई नजिकबाट देखेकी रेखाले सिनेमा हिम्मतवाली निर्देशन गरिन् । उनको त्यो सिनेमाले राम्रो सफलता पायो र उनले पनि पहिलो निर्देशनबाटै खुबै तारिफ बुटलिन् । पहिले यो सिनेमालाई श्याम भट्टराईले निर्देशन गर्न लागेका थिए तर सुटिङ शुरु भईसकेपछि कुरा नमिलेका कारण रेखाले श्यामलाई हटाएर आफैले निर्देशन गर्ने निधो गरेकी थिईन् । उनी त्यस बखत निर्देशकलाई हटाएका कारण विवादमा पनि परेकी थिईन् ।

Image result for bhuwan kc

भुवन केसी
अभिनेता भुवन केसी ५०/६० को दशकका निकै नै चर्चित अभिनेता हुन् । उनले काम गरेको सिनेमा ‘कुसुमे रुमाल’ ले त रजत जयन्ती पनि मनायो । चिनो, कन्यादान, सपना, सम्झना, नेपाली बाबु, सुपरस्टार लगायत उनका सफल सिनेमाहरु हुन् । उनले कलाकारितामा सफलता पाईसकेपछि निर्देशन गर्ने आँट गरेका हुन् । उनको आँटले निकै राम्रो सफलता पनि पायो । भुवनले सिनेमा ‘ड्रिम्स’ निर्देशन गरेका हुन् जसमा उनले आफ्नै छोरा अनमोलललाई मुख्य अभिनेताको रुपमा प्रस्तुत गरेका थिए । सिनेमाले रिलिज भएको दिन देखि नै आक्रामक व्यापार गरेर निकै नै चर्चा बटुलेको थियो ।

forseenetwork

Top