खर्वाङ । जन्मदिनको अबसरमा बडिगाड गाँउपालिका २ सिमलचौरका विद्यार्थीहरुलाई अर्याल परिवारले न्यानो लुगा र शैक्षिक सामार्गी वितरण गरेको छ ।

गुल्मीको मुसिकोट नगरपालिका वडा नम्बर ७ न्वार निवासी हजुरबुबा अग्निधर अर्याल हजुरआमा जशुधा अर्याल तथा बुबा रमेश अर्याल र आमा सृष्टि अर्यालका छोरा ताज अर्यालको जन्मदिनको अवसरमा विद्यार्थीहरूको लागि न्यानो स्विटर र शैक्षिक सामग्रीहरु वितरण गरिएको हो । 

आज विद्यालयमा एक कार्यक्रमका बिच अर्याल परिवारले सरस्वती आधारभूत विद्यालय र हिमालय बालविकासमा अध्ययनरत ४५ जना बालबालिकाहरुको लागि न्यानो स्विटर तथा शैक्षिक सामग्रीहरू वितरण गर्नुभएको हो ।

छोराको जन्मदिनको अवसरमा विद्यार्थीहरूलाई न्यानो स्विटर र शैक्षिक सामग्रीहरु वितरण गरी अनुकरणीय कार्य गरेको भन्दै विद्यालयका प्रधानाध्यापक लेखनाथ घिमिरेले अर्याल परिवारलाई धन्यवाद दिनुभएको थियोे । रमेश अर्याल र सृष्टि अर्याल हाल अस्ट्रेलियामा हुनुहुन्छ ।