२११ औं भानु जयन्ती वामीटक्सारमा मनाइयो, हाम्रो पुस्तकालय १ वर्ष पुग्यो
वामीटक्सार । २११ औं भानुजयन्तीको अवसरमा मुसिकोट नगरपालिकाको आयोजना तथा हाम्रो पुस्तकालय वामीटक्सारको सहआयोजनामा साहित्य सिर्जना वाचन तथा अन्तरक्रिया कार्यक्रम सम्पन्न भएको छ ।
कार्यक्रमको उद्घाटन गर्दै मुसिकोट नगरपालिकाका मेयर जिवन खरेलले भाषा साहित्यको क्षेत्रमा नगरपालिका लगानी गर्न तयार रहेको भन्दै हाम्रो पुस्तकालयलाई विराट पुस्तकालयको रुपमा विकास गर्ने योजना रहेको बताउनु भएको थियो ।
कार्यक्रममा नेकपा एमाले मुसिकोटका अध्यक्ष प्रकाश काफ्ले, नेपाली काग्रेस मुसिकोटका सभापति झविलाल भण्डारी, युनिक खवर डटकमका प्रधान सम्पादक रामकृष्ण कँडेल, लगाएतले शुभकामना व्यक्त गर्नुभएको थियो ।
कार्यक्रममा श्रष्टाहरु लोकनाथ सापकोटा, कमल पौडेल र टेक राहडिले आआफ्नो सिर्जना बाचन गर्नुभएको थियो । कार्यक्रम हाम्रो पुस्तकालयका अध्यक्ष रामचन्द्र श्रेष्ठको अध्यक्षता, कोषाध्यक्ष गोपिकृष्ण खरेलको स्वागत मन्तव्य तथा सरोजराज बौद्धचार्यको सञ्चालनमा सम्पन्न भएको थियो ।
यसैविच हाम्रो पुस्तकालय १ वर्ष पुरा भएको छ । पठन संस्कृतिको विकास गर्ने उद्धेश्यले गतवर्ष स्थापना भएको पुस्तकालयले भाषा तथा साहित्य विकासमा योगदान दिने विश्वास गरिएको छ ।
प्रतिकृया दिनुहोस