ताजा अपडेट

समचार

ग्यास उद्योगमा भीषण आगलागी : आगो निभाउन गएका दुईजनाको मृत्यु

हेम बिश्वकर्मा

पर्सा, पुस ५ –

(अपडेट) वीरगञ्जमा रहेको सुपर ग्यास उद्योगमा आगलागी हुँदा दुईजनाको ज्यान गएको छ । आगो निभाउन पुगेका अग्नि नियन्त्रक मधुसुदन मिश्र र दमकलका चालक यादव अधिकारीको ज्यान गएको प्रहरीले जनाएको छ । वीरगञ्ज महानगरपालिका–१४ गण्डकमा रहेको सुपर ग्यास उद्योगमा  आगलागी भएको हो । आगलागीमा परी ३ जना घाइते भएका छन् । आगो निभाउन जाँदा जलेर घाइते भएका वीरगंज वारुणयन्त्रका कर्मचारी भोजपुरका सञ्जीव नेपाल र अर्का वीरगञ्ज महानगरपालिकाका अरुण महतोलाई हेलिकप्टरमार्फत काठमाडौं ल्याइएको छ ।

कम्पनीका कर्मचारी बारा प्रसौनीका अमिका राउत कुर्मको भने हेल्थ केयर अस्पतालमै उपचार भैरहेको छ । आगो अझै नियन्त्रण बाहिर छ । ग्यासमा लागेको आगो भएकाले पानीले निभाउन समस्या भएको अग्नि नियन्त्रकले बताएका छन् । आगो लागेको हेर्न वरपर घुईंचो लागेको छ ।

Top