नगर उप–सभापति नेकपामा प्रवेश
बागलुङ । नेपाली कांग्रेस ढोरपाटन नगरपालिकाका उप–सभापति चन्द्र कुमार गौतम नेपाल कम्युनिस्ट पार्टी नेकपामा प्रवेश गरेका छन् ।
ढोरपाटन नगरपालिका वडा नम्बर ५ का वडा सभापति समेत रहेका गौतम सोमबार नेकपामा प्रवेश गरेका हुन् । उनलाई ढोरपाटन नगरपालिकाका मेयर देवकुमार नेपालीले अबिर र खादा ओढाएर पार्टी प्रवेश गराएका हुन् ।
गौतम गत स्थानीय चुनावमा नेपाली कांग्रेसबाट वडा अध्यक्षको उम्मेद्वार समेत रहेका थिए । उनीसँगै सोही वडाका दुई युवा पनि नेकपामा प्रवेश गरेका छन् ।
प्रतिकृया दिनुहोस